Kryetari I Partisë Demokratike Sali Berisha në bazë të Statutit të partisë vendosi drejtuesit politikë për Diasporën, Qarkun e Elbasanit dhe Tiranes, degët Kavajë e Rrogozhinë.
Drejtimin u është besuar ish-Kryetares së Kuvendit Jozefina Topalli, deputetit Tomorr Alizoti dhe Kryetarit të Bashkisë Kavajë Fisnik Qosja. Drejtuesi i qarkut të Elbasanit ishte Ervin Salianji, por tashmë ndodhet në burg për “kallëzim të rremë”.
Ky vendim bazohet në Statutin e Partisë Neni 46, pika 2 për intensifikimin e aksionit politik dhe përgatitjen e strukturave për garën elektorale të vitit 2025.
Teksa u pyet sot nga gazetarët më 28 shtator, Berisha tha se Salianji mbetet i deleguari i nderit për fushatën e PD në Elbasan.
Ervin Salianji ishte i deleguari juaj në qarkun e Elbasanit, tashmë që ndodhet në qeli dhe do të vuajë dënimin, a keni menduar emrin e radhës i cili do të drejtojë fushatën elektorale për zgjedhjet 2025?
Sali Berisha: I deleguari i nderit në qarkun e Elbasanit do të jetë Ervin Salianji. Kam bindjen se ky akt, se guximi i Ervin Salianjit për të mbrojtur të vërtetat dhe interesin publik ka mirënjohjen më të thellë të qytetarëve të Elbasanit.
Discussion about this post