Partia Demokratike ka depozituar kërkesën për ngritjen e Komisionit Parlamentar për Reformën Zgjedhore.
Në njoftimin zyrtar, PD pasqyron shkeljet që t që pretendon se janë kryer në zgjedhjet e 25 prillit duke theksuar se këto shkelje janë shkruar në mënyrë të detajuar edhe në raportin përfundimtar të Misionit për Vëzhgimin e Zgjedhjeve të OSBE/ODIHR, publikuar më 26.07.2021.
PD shton se duhet të ngrihet Komisioni Parlamentar për Reformën Zgjedhore duke thënë se problematikat dhe rekomandimet përkatëse të adresuara në raportin përfundimtar të OSBE/ODIHR meritojnë një trajtim të veçantë nga Kuvendi, në mënyrë që të adresohen nëpërmjet nismave ligjore.
Në funksion të këtij qëllimi, Grupi Parlamentar i Partisë Demokratike ka parë të arsyeshëm krijimin edhe të një mekanizëmi parlamentar, që ka të bëjë me ngritjen e Komisionit Hetimor për zgjedhjet e 25 Prillit 2021, një prej detyrave kryesore sipas Partisë Demokratike, të të cilit është edhe vlerësimi i nevojë për miratimin, korrigjimin apo ndryshimin e akteve ligjore.
Partia Demokratike thekson rëndësine e këtyre dy komisioneve duke argumentuar se ato duhen parë si komplementare, me qëllim garantimin për qytetarët të zgjedhjeve të lira dhe të ndershme.
Në kërkesën e depozituar theksohet ecuria e kontestimit të zgjedhjeve parlamentare të 25 prillit nga opozita ku përfshihen ankimet në Komisionin Qëndror të Zgjedhjeve, paditë në Kolegjin Zgjedhor Gjyqësor dhe kallëzimet penal në SPAK.
