Analisti Ben Andoni, ka dhënë sot një deklaratë të fortë sa i përket të ardhmes së partive politike në vend. Ai tha gjatë një interviste televizive se, e ardhmja nuk janë dy partitë e mëdha në vend, PS e PD, pasi të dy këto parti i kanë zhgënjyer në masë popullim. Sipas tij, kriza në PD do të vazhdojë edhe pas 18 dhjetorit.
”Të dy aleatët janë në pozicion aspak të favorshëm, pasi janë investuar shumë dhe kjo situatë i dëmton jashtëzakonisht. Zoti Duka ka një kauzë të jashtëzakonshme, e cila është kauza e të ardhmes të vendeve të Ballkanit pasi lidhet me mjedisin. Kjo gjendje në PD, unë besoj se mosrespekti që është në PD për institucionin, të bën të mendon se kriza do të mbartet edhe pas 18 dhjetorit”, tha ai.
Anoni tha se aleatët e PD, si PAA apo LZHK dhe të tjerët duhet të forcojnë partitë e tyre për të marrë një rol të rëndësishëm në të ardhmen. “Aleatët kanë momentin më të mirë për të parë partitë e tyre dhe të investojnë te partitë e tyre. E ardhmja nuk është më as për Partinë Demokratike, por as te PS-ja, pasi nuk i përfaqësojnë më shqiptarët. Këto dy parti kanë një zhgënjim të jashtëzakonshëm te njerëzit”, u shpreh ai, duke thënë se tashme populli pret diçka të re dhe ndryshe.
Discussion about this post