Dega e Partisë Demokratike në Shkodër, që i përket fraksionit të vulës, përmes një deklarate, thekson se shkaqet e humbjes së Bashkisë duhen kërkuar shumë më parë se zgjedhjet e 14 majit.
Në deklaratë thuhet se kjo humbje e ka fillimin në marrëveshjet fshehta në zgjedhjet 6 marsit 2021, kur në dakortësi të plotë Edi Rama bëri bashkë të gjithë të korruptuarrit, të gjithë nongratat, bandat e kriminelët në një sulm të paprecedentë ndaj Partisë Demokratike dhe kandidatit të saj, me një qëllim: mbështetjen e Sali Berishës e zgjatimeve të tij.
“6 marsi ishte skena e një krimi zgjedhor, por Sali Berisha nuk i kontestoi procesin e zgjedhjeve të 6 marsit, përkundrazi e përdori këtë rezultat në favor të tij.
Humbja e zgjedhjeve të 14 majit është shembulli dhe prova se shkodranët refuzuan dhe bojkotuan masivisht votimin sepse nuk ju besojnë më as nongratave dhe as bishtave te tyre.
Dënojmë me forcë çdo akuzë dhe shpifje që bëhet sot ndaj Partisë Demokratike dhe strukturave të saj në Shkodër për bashkëpunime të imagjinuara që del nga goja e nongratave.
Këto akuza dhe shpifje janë prova më e qartë janë bërë bashkë “nongratat”, janë bërë bashkë të korruptuarit, përfituesit dhe zaptuesit e Shkodrës për të sunduar Shkodrën dhe të ardhmen tonë.
Partia Demokratike është dhe do të të mbetet Partia e njerzve të lirë!
Partia Demokratike do të ringrihet mbi vullnetin dhe sakrificën e njerzve të ndershëm dhe do të jetë një Parti e vlerave perëndimore dhe euroatlantike me akte, jo me fjalë.
Partia Demokratike do të jetë e hapur për të gjithë ata qytetetarë të ndershëm që duan një të ardhme pa Edi Ramën, pa Sali Berishën dhe nongratat e tjerë”, thuhet në deklaratë.
Reagimi i degës së PD-së së vulës erdhi një ditë pas deklaratave të kreut të PSD-së, Tom Doshi, sipas të cilit demokratët që mbështesin Lulzim Bashën në 14 maj punuan dhe votuan për Benet Becin, ndërsa komisionerët e kësaj partie u gjetën dhe caktuan nga socialistët.
Discussion about this post