Deputeti i Partisë Demokratike Flamur Noka komentoi në emisionin Now në Euronews Albania paralajmërimin e policisë ndaj protestës së opozitës se bllokimi i rrugëve është vepër penale dhe do të shoqërohet me procedime penale.
Noka u shpreh se nuk bëhet fjalë për protestë por mosbindje civile që ka për detyrë të paralizojë jetën politike dhe sociale të vendit deri në qeveri teknike dhe këtë nuk e ndalon dot policia.
“Opozita është në mosbindje civile, kujt ja recitojnë këto vjersha këta? Ne nuk jemi në protestë, jemi në mosbindje civile, nuk më intereson çfarë reciton regjimi. Jam në mosbindje civile, vepër penale është të vjedhësh, vepër penale është të vjedhësh portin e Durrësit, jam në mosbindje civile, kam detyrë të paralizoj jetën politike dhe sociale të vendit deri në gjunjëzimi e këtij regjimi”, tha Noka.
Gazetarja Mirela Milori replikoi me deputetin e PD, Flamur Noka lidhur me aksionin opozitar që pritet të kulmojë me protestën e nesërme. Milori u shpreh se Meta nuk duhet ta eklipsojë aksionin e opozitës për të cilën protesta e nesërme siç tha është një test.
“Opozita nesër duhet të jetë shumë e kujdesshme me këtë protestë sepse është testi i të vërtetës. Për herë të parë opozita thërret një protestë jashtë Tiranës. Policia sot po tenton ta trembë protestën dhe do ketë skeptikë që do thonë, po prit se ju nuk nxorët protestuesit e parë nga burgu, do futësh dhe ca të tjerë”, tha Milori.
Ajo pyeti: “Mosbindje civile në administratë hyn dot? Te ata 70 mijë se 70 mijë të tjerë janë patronazhistë, hyn dot të paralizosh administratën me mosbindje civile? Që ai të dorëzojë çelësat, të iki, të thotë unë nuk firmos, ti kesh edhe ata në rrugë, e bën dot”?
“Do të hyjmë kudo, aty do shkojmë, ky është synimi, jemi në mosbindje civile”, u përgjigj Noka.
gijotina.com/
Discussion about this post