Pas përplasjeve mes PD dhe biznesmenit Klodian Zoto mbi çështjen për marrjen e të dhënave të tij nga bankat, sot ka plasur një tjetër skandal. Në përgjigje të kërkesës ndaj Komisionit Hetimor për të marrë informacion mbi transaksionet e Zotos, Fibank ka dorëzuar në komision një formular, i cili po e nxjerrë këtë situatë shumë qesharake dhe aspak profesionale.
Në këtë përgjigje, FiBank thotë se shtetasi Klodian Zoto ka llogari aktive në këtë bankë. Ai është i datëlindjes 13 shkurt 1990, pra 31 vjeç dhe mban pranë kësaj banke numrin e llogarisë “AL62 2152 1078 ALL1 0000 0665 9200”.
Pikërisht këtu banka del blof, sepse të dhënat e dorëzuar nuk i përkasin Klodian Zotos, i cili është shumë vite më i madh në moshë. Pra, banka u ka ofruar deputetëve të dhënat e një qytetari, që jo vetëm s’ka lidhje me Klodian Zoton, por ka shkelur kështu të drejtën e privatësisë ndaj personit që i përkasin ato të dhëna.
Sakaq, kujtojmë se pak ditë më parë Klodian Zoto iu kërkoi bankave në vend që mos të nxjerrin asnjë të dhënë pasi ndryshe cënojnë të drejtën e privatësisë. Kërkesë kjo është kthyer më pas në temë debati mes deputetëve të mazhorancës dhe atyre të opozitës në Komision.
Discussion about this post