Partia Demokratike ka reaguar lidhur me deklaratat e fundit që ish-kryeministri Berisha ka bërë lidhur me Lulzim Bashën dhe bashkëshorten e tij, ku tha se kjo e fundit përmes një kompanie të saj, zotëron lojërat e fatit në vendin tonë.
PD hedh poshtë deklaratën e ish-kryeministrit, ndërsa e konsideron Berishën si një gënjeshtar ordiner. Sipas selisë blu, halli i vetëm i tij është t’i vërë zjarrin Shqipërisë.
“I deklaruar non grata për korrupsion bashkë me familjen e tij, dhe i braktisur nga demokratët pas dhunës së 8 janarit, Sali Berisha po sillet vërdallë nëpër Shqipëri duke thënë çdo ditë gënjeshtra të reja për Lulzim Bashën dhe familjen e tij. Për të dytën herë Sali Berisha, ky gënjeshtar ordiner, shpifi për bashkëshorten e kryetarit të PD. Ky është një mashtrim i ri nga njeriu që për hallin e tij dhunoi edhe shtëpinë e demokratëve dhe ishte gati të derdhë gjakun e tyre. Ky që për hallin e tij ka qenë gjithmonë gati t’i vërë zjarrin Shqipërisë. Por ai është vetëm një e shkuar e keqe për PD-në dhe gjithë shqiptarët, dhe emri i tij do mbahet mend si një non grata për korrupsion”, shkruan PD në reagim.
Discussion about this post