Vetëm pak minuta pasi Alqi Bllako dorëzoi kërkesën për dorëheqje në Kuvend, është anuluar mbledhja e Këshillit për Rregulloren, Mandatet dhe Imunitetin. Mbledhja ishte parashikuar të mbahet në orën 18:00 ditën e sotme, por pasi i dha vetë dorëheqjen nuk është parë e arsyeshme më zhvillimi i mbledhjes.
Kryetarja e Kuvendit, Lindita Nikolla, iu përgjigj pasditen e sotme deputetëve të PD, që kërkuan arsyen e anullimit të mbledhjes së Këshillit të Mandateve.
Nikolla theksoi se tashmë nuk kishte objekt shqyrtimi për t’u mbajtur mbledhja e Këshillit të Mandateve pasi Bllako kishte paraqitur vetë dorëheqjen nga mandati i tij i deputetit.
“Deputeti dorëzoi kërkesën për dorëheqjen nga mandati i tij. Kështu Këshilli i Mandateve nuk ka më objekt shqyrtimin e kërkesës së SPAK për të bërë të mundur heqjen e mandatit të Alqi Bllakon në mënyrë që të bëhet arrestimi i tij”, u shpreh Nikolla.
Discussion about this post