Konstuticionalisti Shkëlqim Hajdari komentoi sot gjatë një interviste televizive , ndryshimet kushtetuese që kërkon PD-ja. Sipas tij, këto ndryshime janë një domosdoshmëri, por duhen trajtuar në një tjetër formë. Hajdari u shpreh se mekanizmi teknik i propozuar nga opozita për këtë çështje nuk është i duhuri. Gjithashtu tha se kjo detyrë nuk duhet t’i ngarkohet SPAK.
“Ato janë domosdoshmëri nëse vërtet veprimet e kryetarit të opozitës të bëhen në një formë tjetër. SPAK nuk mund të bëhet institucione që të bëjë vetting, ai është për të bërë hetime. Mënyra e vettingut për politikanë ka nevojë të korrektohet, ne nuk dimë kush janë nënshkruesit. Dhe kur kërkon ndryshime kushtetuese në tre drejtime dhe nuk kanë asnjë proces. Janë mbledhur e kanë çuar në parlament, por nuk ka një debat, një tryezë ku të diskutohet. Pra në asnjë media nuk ka dalë se kush janë 28 nënshkruesit”, tha më Hajdari.
Ndër të tjera ai u shpreh se, tentativa për të ngritur vettingun politikë është e mirë, por së pari duhet menduar struktuara se si do funksionojë dhe institucionet që do e drejtojnë. “Tentativa për të bërë vettingun e politikanëve është për t’u përshëndetur. Kjo tentativë duhet parë në një tjetër këndvështrim. Ose duhet të krijojnë një strukturë të posaçme me Komisione më shumë se një njeri…ose mundet këtë material t’ia dërgojnë SPAK. Subjekti i asaj që parashikon draft-ligji, pra deklaratë e bën tek ILDKP, ose mund të ndërtojmë një strukturë që të gjykojë rezultatet…Një tjetër mundësi është që dosja që përgatit ia çon një strukturë të Posaçme që ia nis SPAK”, tha ai.
