Në mbledhjen e Komisionit të Ekonomisë dhe Financave, ku i ftuar ishte dhe guvernatori i Bankës së Shqipërisë Gent Sejko, u diskutua ndër të tjera edhe për ligjin e Eurobondit.
Nënkryetarja e PD, Jorida Tabaku tha në Komision se qeveria po tregonte një mungesë profesionalizmi, pasi tashmë në raportin e paraqitur në Komision, kërkonte që të miratohej propozimi për marrjen e Eurobondit prej 700 milionë eurosh, duke e rritur me 200 milionë euro shifrën fillestare që në fillim ishte në shifrën e 500 milionëve.
“Akti normativ që ju sapo përmendët, për buxhetin e vitit 2021 të ndryshuar lidhet me shtesën për Eurobondin nga 500 milion euro në 700 milion euro. Për ne së pari, është mungesë profesionalizmi. Është një shkelje e rregullores së Parlamentit dhe është një mungesë serioziteti nga ana e Ministrisë së Financave. Kur u diskutua këtu Eurobondi, në mënyrë specifike e pyetëm këtu Ministren e Financave se sa do të jetë vlera e Eurobondit. Nga 500 deri në 700 është lojë kungulleshkash i thamë. Kanë përdorur pikërisht këto fjalë. Nga 500 deri në 700 ne nuk kemi miratuar ndonjëherë dokument. Nuk kam parë ndonjëherë përfaqësues të qeverisë shqiptare, që të vijnë dhe të thonë, do kemi Eurobond, nga kjo vlerë deri në këtë vlerë. Përcaktojeni. U përcaktua dhe miratuam një dokument. E miratoi Kuvendi, kaluam një Eurobond”, tha Tabaku.
Por, PD u vonua në deklaratën e saj, pasi në votimin e “Eurobondit” në Kuvend, abstenoi dhe as nuk denjoi të deklaronte votën kundër./ D.L/ Gijotina.com
Discussion about this post