Partia Demokratike do të mbledhë këtë të shtunë grupin parlamentar për të diskutuar rreth aksionit të opozitës lidhur me zhvillimet e fundit në vend. Mësohet se, grupi i PD do të mblidhet në orën 11:00, në selinë blu.
Në mbledhje pritet të diskutohet mbi vendimin që do të marrin demokratët për pjesëmarrjen në Komisionet Parlamentare. Kujtojmë se Partia Socialiste ka kërkuar që mbledhjet e komisioneve të zhvillohen online, ndërsa PD kundërshtoi këtë vendim në Parlament duke u shprehur se takimet duhen zhvilluar me prani fizike.
Në tjetër temë që pritet të diskutohet në mbledhje dhe të ketë prioritet është edhe Reforma Territoriale, të cilën opozita e ka konsideruar si dështim.
Opozita ka dhënë sinjale pozitive lidhur me uljen në tryezë me PS për ndryshimet në Reformën Territoriale, pasi të gjitha degët e PD-së janë ngarkuar të mbledhin të dhëna për problematikën e kësaj reforme, dhe më pas të nisin konsultimet me ekspertët.
