Ish-ministri i Drejtësisë, Ylli Manjani ka sulmuar deputetët e Partisë Demokratike dhe kreun aktual Lulzim Basha për retorikën që përdorin në rrjetet sociale.
Manjani i konsideron si shprehje fashiste deklaratat e tyre kur kundërshtojnë mbledhjen e forumeve apo tw kuvendit të PD, duke e fajësuar Bashën si autor të këtyre frazave.
“Tangërlleqet me shprehjet fashiste “unë vendos”, apo “nuk lejoj forumet e partisë të mblidhen”, apo me “llum antiamerikë”, apo “llum tranzicioni”, janë luks i tepruar për vendin që ka nevojë ulëritëse për opozitë. Në momentin që flasim, Lulzim Basha është autor i këtyre frazave autokratike të tipit fashist, si dhe nismëtar i disa nismave ligjore me natyrë marksiste e komuniste”, shkruan Manjani.
Sipas ish-ministrit, Basha duhet të largohet sa më parë nga drejtimi i PD sepse mund t’i sjellë dëm vendit me idetë e tij komuniste.
“Sigurisht, jo vetëm që nuk e ndjekim më në këtë pisllëk politikë që bën, por jemi të interesuar që të shporret një orë e më parë nga drejtimi i PD sepse mund t’i sjellë dëm edhe më të rëndë vendit, me idetë komunisto populiste që artikulon. Një PD me ide komuniste të drejtim u shoftë sa më shpejt! Nëse Luli dhe të tijët, mendojnë se përfaqësojnë PD me këto ide, kanë barrën të na tregojë që janë shumica e asaj partie”, shprehet ai.
Ai ka dhe një përgjigje për të ata që thonë se Basha u zgjodh nga anëtarësia, kur thotë se atë e votoi dhe Berisha, por sërish ai duhet të tregojë që ka shumicën.
Discussion about this post