PD në Kushtetuese për ligjin e zonave të mbrojtura, Zhupa: Rama ka filluar luftë të hapur ndaj pasurive publike

Partia Demokratike ka bërë në Gjykatën Kushtetuese në lidhje me ligjin e zonave të mbrojtura.

Në një deklaratë për mediat nga Gjykata Kushtetuese, Ina Zhupa tha se me ndryshimet e bëra në ligj, nuk ka më zona të mbrojtuara dhe mund të ndërtohet kudo.

Më tej Zhupa tha se Rama ka filluar një luftë të hapur ndaj çdo pasurie publike për ta kthyer në funksion të oligarkëve.

Deputetja deklaroi se do të paraqesin në Kushtetuese të gjitha shkeljet e Kushtetutës që janë bërë me ndryshimin e këtij ligji dhe tha se gjitashtu është shkelur marrëveshja e stabilizim-asociimit.

“Padi kundër ligjit të zonave të mbrojtura. Me ndryshimet që ka sjellë mazhoranca është tashmë ligji i zonave të pambrojtura, për të ndërtuar.

Rama ka shpallur një luftë të hapur ndaj çdo pasurie, për ta kthyer në shërbim të një grupi oligarkësh. Prova gjenerale u bë me parkun e Butrintit, filloi atje ideja për të ndërtuar në një zonë të mbrojtur.

Kryeminsitri e bëri gjithë propagandën duke thënë se do u afrohemi atandardeve me BE, por ky ligj na largon me BE. Shkel marrëveshjen e stabilizmim asocimit dhe standardet e BE.

Në Shqipëri ka më shumë rëndësi vila e njëoligarku se sa një park ombëtar. Sot do të paraqesim të gjitha shkeljet e neneve të Kushtetutës.

Ligji i zonave të mbrojtura duhet të rrëzohet nga Gjykata Kushtetuese nëse i qëndron ligjit dhe Kushtetutës. Me këtë ligj të vetmet zona ku nuk do të ndërtohet do të jenë ato zona ku nuk do tëë kenë interes oligarkët për të ndërtuar”, tha Zhupa.