Duke qenë se mazhoranca rrëzoi kandidaturën e tyre, grupi i PD bojkotoji seancën për zgjedhjen e anëtarëve për Këshillin e BSH-së. Pas kësaj situate Deputeti demokrat, Arbi Agalliu ka dhënë një deklaratë, ku shprehet i revoltuar dhe tha se iu është cenuar e drejta si anëtar të asaj seance. Agalliu tha se mazhoranca po kërkonte të kapte çdo pushtet përfshirë edhe Këshillin Mbikëqyrës të Bankës Qendrore duke përjashtuar kandidaturat e tjera përveç atyre të propozuara nga grupi parlamentar socialist.
“Partia Demokratike, nuk kërkon një përfaqësues të saj por që anëtarët e Këshillit Mbikëqyrës të Bankës Qendrore të zgjidhen me një konsensus. Edhe njëherë dua të them se zoti Spaho i plotëson të gjitha kriteret, pasi në të kundërt nuk do të vinte në seancën dëgjimore. Në seancë dëgjimore kalojnë të gjithë ata që plotësojnë kriteret e vendosura. Ne kërkojmë një lloj gjithëpërfshirje sepse kjo qeveri së fundmi me këtë akt tregoi që nuk heq dorë nga kapja e pushteteve”, tha ai. Vendimi i grupit parlamentar erdhi pasi mazhoranca vendosi se kandidatura e PD nuk përmbushte kriteret e duhura për të qenë anëtar i Këshillit Mbikëqyrës të Bankës Botërore.
Discussion about this post