Nënkryetarja e PD dhe njëkohësisht kryetarja e Komisionit Hetimor të Inceneratorëve, Jorida Tabaku deklaroi në një konferencë për shtyp sot se PD po çon në SPAK një kallëzim Penal për 50 persona në kuadrin e Grupit të Strukturuar Kriminal, ku mes të paditurve është edhe kryeministri Edi Rama.
Tabaku i bëri thirrje SPAK që tre çështjet për inceneratorët, ai i Tiranës, Elbasanit dhe Fierit të hetohet si një dosje e vetme.
“I kërkoj SPAK që të mos ketë dosje të veçanta për hetimin e këtyre çështjeve. SPAK duhet ti përmbledhë në një dosje këto tre çështje. Të treja duhen hetuar së bashku. Të 50 individët janë po të njëjtët”, tha ajo.
Sipas Tabakut janë 112 prova që provojnë shkeljet e qeverisë, ndërsa kërkon angazhimin e kësaj strukture për të hetuar më tej.
“Padia që kemi përgatitur është përfundimtare që bazohet mbi punën e Komisionit Hetimor dhe ne i dorëzojmë SPAK-ut 112 prova që tregojnë se si ka operuar qeveria e Edi Ramës, si grup i strukturuar kriminal. PD krahas 3 padive të dorëzuara në SPAK gjatë javës së fundit të punës ka dorëzuar padi edhe për Ahmetajn Subashin, Veliajn” shprehet Tabaku.
Po ashtu Tabaku, u shpreh se Rama po trajton inceneratorët dhe pronarët e tyre njësoj si pensionistët.
Discussion about this post