Partia Demokratike ka reaguar sërish lidhur me përshkallëzimin e protestës së mbështetësve të ish-kryeministrit Berisha, duke theksuar se po rrezikohet jeta e dhjetëra demokratëve. Në deklaratë theksohet se në rrezik real është edhe jeta e drejtuesve më të lartë të Partisë Demokratike.
“Sali Berisha po rrezikon jetën e dhjetëra demokratëve me aktet e dhunës së sotme! Me një akt të paprecedentë, mercenarët nën urdhrat e tij, po sulmojnë godinën e Partisë Demokratike, duke vënë në rrezik real jetën e drejtuesve më të lartë të Partisë Demokratike në qendër dhe në rrethe, si dhe të dhjetëra demokratëve të tjerë”, thuhet në deklaratë.
Partia Demokratike ka bërë thirrje që institucionet ligjzbatuese të ndërhyjnë që të shmangen viktimat nga kjo protestë e thirrur nga ish-kryedemokrati Berisha.
“Gjakderdhja duhet ndalur nga institucionet ligjzbatuese! I bëjmë thirrje institucioneve të ndërhyjnë për të shmangur viktimat e dhunës së Sali Berishës mes demokratëve!”, përfundon reagimi.
Ndërkohë Sali Berisha vijon të quaj protestën paqësore dhe bën thirrje që të hapen dyert për protestuesit.
Discussion about this post