Partia Demokratike është shprehur pro hapjes së një pike të përbashkët policore me Greqinë. Ditën e sotme në Komisionin e Sigurisë u miratua projektligji nëpërmjet qeverisë shqiptare dhe asaj greke për të ngritur dhe bërë funksionale një qendër të përbashkët policore.
Deputeti i Partisë Demokratike, Ervin Salinji tha se PD është pro hapjes së kësaj pikë, e cila do të pozicionohet në pikën e kalimit kufitar të Kakavijës dhe kjo nuk do të sjellë mbivendosje me organet doganore e policore.
Zëvendësministri i Brendshëm Andi Mahila ka shpjeguar detaje nga marrëveshja, qëllimin që ka dhe si do zhvillohet. Mahila bëri një prezantim të detajuar të projektligjit dhe theksoi se qendra e përbashkët policore dhe doganore, do të ndihmojë në rritjen e bashkëpunimit mes dy vendeve.
“Akti është paraqitur nga këshilli i ministrave në Kuvendin e republikës së Shqipërisë për miratim. Marrëveshja Shqipëri-Greqi për ngritjen e një qendre të përbashkët për bashkëpunimin policor dhe doganor. Të punuarit sa më afër, është thelbi i kësaj marrëveshje. Në marrëveshje janë përcaktuar rregullat e përbashkëta për funksionimin e qendrës. Kjo qendër e përbashkët e shkëmbimit të informacionit dhe e koordinimit të bashkëpunimit do pozicionohet në territorin e republikës greke, në ndërtesën aktuale të pikës së kalimit kufitar Kakavijë. S’ka autoritet në vendimmarrje qendra. Pikë e veçantë është dhe shkëmbimi i veçantë i të dhënave personale. Bashkë me aktin ministria e brendshme ka paraqitur në Kuvend edhe relacionin përkatës. Pjesa re procedurës. Janë ndjekur të gjitha procedurat konform ligjit për marrëveshjet ndërkombëtare. Ministria për Evropën dhe ajo e Drejtësisë janë shprehur parimisht dakord. Marrëveshja në parim është miratuar në 4.04 2018 dhe është nënshkruar në 18 janar 2021 në Kakavijë nga zv ministri Hodaj”, tha Mahila.
Në fokus të kësaj marrëveshje është shkëmbimi i informacionit për çështje të përbashkëta si lufta kundër krimit ndërkufitar, krimit të organizuar dhe lidhjeve të tij me migracionin e paligjshëm.
Discussion about this post