Kryedemokrati Lulzim Basha ka reaguar pas mbledhjes së grupit parlamentar të PD ku u mor vendimin për të qenë pro zgjatjes së organeve të Vettingut. Basha tha para gazetarëve se PD do të bëjë çdo gjë për integrimin e BE-së.
Gjithashtu, ai sulmoi dhe Metën, Ramën dhe Berishën, duke thënë se bënë gjithçka të largojnë ONM nga Shqipëria e Vettingu të shkojë në drejtim të paditur.
“Reforma në drejtësi ka pasur ecejaket e saj ngecje dhe devijime dhe vijon të ketë të tilla. Trekëndëshi i Bermudës ka bërë gjithçka që të largojë OMN nga Shqipëria dhe që Vettingu të shkojë në drejtim të paditur, me të gjithë problemet me anëtarët e KPK dhe KPA të korruptuar, ka vetëm një shans që Shqipëria të bëhet pjesë e Europës, që kriminelët të mos jenë në parlament, nuk është drejtësia që duam, po do ishte me keq nëse ky proces do mbetej në mes dhe do të ndërpritet integrimi Europian i vendit, për hir të integrimit europian të vendit do bëjmë gjithçka, po i japim shansin një drejtësie që të ringrihet”, tha Basha.
Ndër të tjera, kreu demokrat njoftoi se sot në Kuvend do të kalojnë për miratim dy komisionet, atë të Reformës zgjedhore dhe atë territoriale.
Discussion about this post