Kryetaret e degëve të Partisë Demokratike kanë njoftuar se ditën e martë, datë 19 nëntor, në orën 17.00 do të mbahet protestë pata Kuvendit.
Mesazhi është dërguar në grupin e kryetarëve, ku saktësohet se do të protestojnë për miratimin e buxhetit.
“Përshëndetje te nderuar, Diten e marte date 19 nentor ora 17:00, te gjithe ne proteste para Parlamentit per te kundershtuar miratimin e buxhetit antiqytetar. Ju lutem beni njoftimet ne dege per te siguruar pjesemarrjen”, thuhet në njoftim.
Një ditë me parë, Kryetari i Partisë Demokratike, Sali Berisha, ka paralajmëruar protestën e radhës të opozitës, e cila do të mbahet rreth Kuvendit gjatë miratimit të buxhetit të vitit 2025.
Berisha deklaroi se në protestë janë të ftuar të marrin pjesë të gjithë qytetarët, duke nisur nga pensionistët, fermerët, bizneset e vogla, etj.
“Natyrisht ne kemi zgjedhur që të paraqesim amendamentet tona në komisione dhe seancë plenare, të sigurt se ato nuk pranohen nga qeveria, e cila ka një synim kryesor, plaçkitjen maksimale të këtij buxheti nga organizata kriminale që kryeson Edi Rama”.
Ai theksoi se paraqitja është është një detyrim solemn para shqiptarëve për të bërë avokatinë e tyre dhe për të qenë të obliguar që në mbledhjen e parë të parlamentit shumicë të PD, ato ligje të votohen dhe të hyjnë në fuqi menjëherë”, tha kreu i PD-së në fjalimin e mbajtur.
“Sigurisht, miratimi i këtij buxheti do të shoqërohet me protestë të fuqishme rreth parlamentit, ku qytetarët, pensionistët, fermerët, të papunët, bizneset e vogla, të gjithë ata që dëshirojnë të thonë zërin e tyre në ditën e plaçkitjes më të madhe të vitit, plaçkitjes së buxhetit në parlamentin e krimit”, deklaroi Berisha.
Kryetari i PD deklaroi gjithashtu se mosbindja civile do të vazhdojë me të gjitha format e saj, duke e quajtur si “levën e Arkimedit”.
“Mosbindja civile mbetet Leva e Arkimedit për rikthimin e votës së lirë qytetarëve shqiptarë. Për vendosjen e qeverisë teknike dhe rikthimin e votës së lirë për qytetarët shqiptarë, tha Berisha.
gijotina.com/
Discussion about this post