Deputeti demokrat Belind Këlliçi ka ndarë një foto të atij që duket se do jetë kopshti më i ri në mes të Kryeministrisë. Teksa ka postuar foton në Facebook, Këlliçi thotë se ky instalacion do të kushtojë 4.32 miliardë lekë, që janë rreth 44 mijë ndihma ekonomike.
Këlliçi bën thirrje që drejtësia t’i tregojë vendin Ramës, ndërsa shton se SPAK nuk merr guximin ta hetojë, dhe se vetëm vota mund ta largojë nga pushteti.
Reagimi i plotë:
Kopshti i Edit
Edi, “pronari” i kryeministrisë, do u marrë shqiptarëve 4,3 miliardë lekë për këtë gjënë me dru që e quan instalacion. Sajon një emër për të përligjur shpërdorimin e parave.
4.3 miliardë lekë janë rreth 44 mijë ndihma ekonomike.
Po ç’i duhen Edit këto? Ai ka kopshtin e tij. Pse, rroga e pensione do i bëjë Edi këto para? Ka një mandat të tretë për të vjedhur. Drejtësi t’i tregojë vendin, nuk ka. Askush në SPAK nuk merr guximin ta hetojë.
Vetëm vota e largon Edin nga xhepat e shqiptarëve.
Discussion about this post