Partia Demokratike do të mbledhë ditën e nesërme Kuvendin Kombëtar të thirrur nga ish-kryeministri Sali Berisha. Kuvendi do të mblidhet në orën 10:00 në Pallatin e Kongreseve.
Zëdhënësja e Komisionit të Rithemelimit, Floriana Garo në një deklaratë për shtyp nga selia blu bëri të ditur emrat e kandidatëve që janë në garë për Këshillin kombëtar, mes të cilëve spikati emri i artistes Bleona Qereti.
Në fjalën e saj, Garo tha se do të ketë shumë diskutantë, përfshirë kontributorë të PD, themelues, por edhe prurje të reja që do jenë pjesë e Kuvendit dhe do të mbajnë fjalën e tyre. Garo tha gjithashtu se verifikimi i delegatëve do të bëhet në mënyrë elektronike si në atë të 11 Dhjetorit.
Nga ana tjetër, Kuvendi i ditës së nesërme është cilësuar si ilegjitim nga Enkelejd Alibeaj, i cili u komandua si kryetar në detyrë pas dorëheqjes së Lulzim Bashës.
Discussion about this post