Partia Demokratike ka publikuar një video ku tregon qartë dhunën e ushtruar nga mbështetësit e ish-kryeministrit Sali Berisha në protestën e 8 dhjetorit para selisë së PD.
Në videon e publikuar shihet deputeti Flamur Noka që sipas PD, drejton “mercenarët” për të shkatërruar selinë, ndërsa shkruan se sëbashku me Berishën bënë gjithçka për të përplasur demokratët.
“Dhuna kundër PD u organizua dhe planifikua deri në detaje. Sali Berisha madje përzgjodhi një grup mercenarësh të drejtuar nga Flamur Noka për të goditur demokratët që ishin brenda selisë. Sali Berisha dhe banda e tij kriminale bënë gjithçka për të përplasur demokratët më njëri-tjetrin, por dështuan. Kryesia e PD, Kuvendi Kombëtar, Këshilli Kombëtar dhe mbarë demokratët qëndruan fort për të mos e kthyer partinë në bunkerin e një personi të shpallur non grata për korrupsion madhor nga partneri ynë strategjik”, shkruan PD.
Discussion about this post