Përmes një reagimi për mediat, Partia Demokratike ka publikuar një tjetër video nga protesta e 8 janarit, e cila u thirr nga ish-kryeministri Sali Berisha. PD thekson se kriminelët që Berisha thirri në protestë, nuk ia dolën të shkatërronin selinë blu.
PD gjithashtu thekson se demokratët zgjodhën me vendosmëri të jenë në shërbim të shqiptarëve, jo të një personi që nuk e lidh më asgjë me Partinë Demokratike.
“Asnjë kriminel i thirrur nga Sali Berisha për të shkatërruar Partinë Demokratike nuk ia doli dhe nuk do t’ia dalë. Partia Demokratike nuk u kthye në bunker për hallin personal të Sali Berishës sepse demokratët refuzuan dhunën, refuzuan gjuhën e urrejtjes.
Demokratët zgjodhën me vendosmëri të jenë në shërbim të shqiptarëve, jo të një personi që nuk e lidh më asgjë me Partinë Demokratike”.
PD ka publikuar një video ku shihet se si jep udhëzimet ish-kryeministri Berisha, që protestuesit të shpërndahen në pozicione.
Discussion about this post