Partia Demokratike ka publikuar në faqen e saj zyrtare një video përmes, së cilës tregon se kryeministri Edi Rama dhe ish-kryeministri Sali Berisha, bashkëpunojnë kundër qytetarëve. PD thotë se tashmë të gjithë e dinë se Shqipëria ka një opozitë, ndërsa të tjerët veprojnë kundër popullit dhe i rrahin krahët njeri-tjetrit.
Në pamjet e publikuara shfaqen momente të përgjimit të bisedave të deputetit Flamur Noka dhe kryeparlamentares Lindita Nikolla së bashku me ministrin e Drejtësisë, Ulsi Manja. “Kushdo me sy në ballë e mend në kokë e kupton tashmë se në Shqipëri ka vetëm një opozitë, që është PD. Rama dhe Berisha janë njësoj. Zgjidh Ramën dhe merr edhe Berishën. Zgjidh Berishën dhe merr Ramën”, thuhet në postim.
Edhe këtë mëngjes, PD publikoi një deklaratë ku shprehej se Rama dhe Berisha flasin të njëjtën gjuhë sepse kanë të njëjtin qëllim dashakeqës.
Discussion about this post