Ndërtesat e reja në Laç që janë ndërtuar për ata që mbetën të pastrehë nga tërmeti janë inaguruar dy herë deri më tani, por banorët ende nuk po i përdorin. Denoncimin për një situatë të tillë e ka bërë sot Partia Demokratike, që shprehet se në Laç asnjë familje nuk ka marrë çelësat e nuk është futur në banesat që u premtuan gjatë vizitës së presidentit turk, Erdogan. Deputetja e Partisë Demokratike, Ina Zhupa shkruan se Rama përdori presidentin e Turqisë për të mashtruar banorët e Laçit. Sipas saj, në kompleksin e pallateve të reja nuk është futur asnjë familje e se e gjithë ceremonia që u zhvillua tre javë më parë ishte propagandë e ndihmuar dhe nga Erdogan.
“Pati 3 javë më parë, Edi Rama përdori presidentin e Turqisë për të mashtruar me apartamentet e ndërtuar nga turqit në Laç. Rama dhe Erdogan u dhanë çelësat 4 familjeve, por, në të vërtetë, ato ishin vetëm sa për propagandë. Në kompleksin e pallatave të reja, nuk ka hyrë asnjë familje.Gjithçka ishte një shoë, i vënë në skenë nga Edi Rama. Banorëve nuk u jep askush përgjigje pse nuk po futen akoma në shtëpitë e tyre. Sa më gjatë rrinë ata në shtëpi me qera, aq më i madh është dëmi që i shkaktohet buxhetit, duke paguar bonusin e qerave, ndërsa shtëpitë e reja kanë përfunduar së ndërtuari rreth 3 muaj më pare”, thuhet në postim.
Zhupa shkruan se 500 familjet në Laç po pengohen që të futen në shtëpitë e tyre, ndërsa Rama përdori Erdoganin për të bërë të besueshme propagandën e tij.
Discussion about this post