Deputetja e Partisë Demokratike, Jorida Tabaku ka reaguar pas raportit të Dhomës Amerikane të Tregtisë. Në një postim në facebook, Tabaku shkruan se korrupsioni si mënyrë pune dhe si vizion sot po gërryen ekonominë dhe bizneset.
“AmCham në një raport vjetor analizon të gjithë raportet ndërkombëtare dhe në majën e sugjerimeve të saj për qeverinë është lufta ndaj korrupsionit“, -thekson Tabaku, ndërsa shton se së dyti është sistemi i padrejtë i taksave dhe prokurimet publike.
“Një qeveri që qep ligje preferenciale për interesat e tyre korruptive. Një mazhorancë që i përkulet vullnetit të krimit të organizuar dhe oligarkisë nuk mund të luftojë për një Shqipëri të lirë. Taksa e korrupsionit është ajo që mban në këmbë këtë mazhorancë,”- përfundon Tabaku.
