Partia Demokratike ka paraqitur sot në Komisionin Qendror të Zgjedhjeve kërkesën për t’u regjistruar si subjekt zgjedhor për zgjedhjet e pjesshme vendore që do të mbahen më 9 nëntor në pesë bashki të vendit.
PD i bashkohet kështu garës ku deri tani janë regjistruar edhe Partia Socialiste, “Shqipëria Bëhet” dhe Lëvizja për Zhvillim Kombëtar. Sot është edhe afati i fundit për regjistrimin e partive politike që synojnë të marrin pjesë në këto zgjedhje.
Zgjedhjet e pjesshme do të zhvillohen në bashkitë Vlorë, Mat, Berat, Cërrik dhe Tepelenë. Ndërkohë, procesi për Bashkinë e Tiranës është pezulluar, pasi Gjykata Kushtetuese vendosi të pezullojë dekretin e Presidentit Bajram Begaj për mbajtjen e zgjedhjeve, çka çoi në ndërprerjen e përgatitjeve nga ana e KQZ-së për këtë bashki.
Discussion about this post