Partia Demokratike po zhvillon një mbledhje me Kryesinë e kësaj force politike, e cila ka nisur që në orën 18:00. Mësohet se gjatë kësaj mbledhjeje nënkryetari Enkelejd Alibeaj ka propozuar që personat e shpallur “non grata” të mos jenë pjesë e strukturave qendrore të PD-së. Ky propozim ka marrë dritën jeshile nga Salianji, i cili ka kërkuar që ky propozim të kthehen në rezolutë.
Ndërkohë anëtarja e Kryesisë, Dhurata Çupi ka ngritur pyetjen duke përmendur ish-kreun e PD-së Sali Berisha dhe mësohet të ketë thënë se sa e gatshme është kjo forcë politike ta përballojë këtë vendim
“Kjo është për Sali Berishën. Ta themi qartë dhe shqip. A jemi ne në gjendje ta përballojmë dot këtë ndaj demokrateve”, është shprehur ajo.
Pro kësja ideje janë shprehur gjithashtu Agron Gjekmarkaj dhe anëtarja e Kryesisë Orjela Nebiaj. Ndërkohë kujtojmë është ngritur Komisioni i Përhershëm Statutor, ku janë emëruar si anëtarë të Komisionit Statutor Enklejd Alibeaj, Ervin Salianji, Kreshnik Çollaku, Jonila Godole, Taulant Zeneli dhe Jorida Tabaku.
Ditën e nesërme pritet të mblidhet Kuvendi Kombëtar i PD-së, thirrur nga kryedemokrati Lulzim Basha, ndërkohë paralelisht Sali Berisha do të zhvillojë referendumin për shkarkimin e Bashës përmes votimeve që do të mbahen në çdo degë të PD-së.
Discussion about this post