Në një intervistë për mediat, deputeti i Partisë Demokratike, Luçiano Boçi u shpreh se nuk ka besim tek gjykata në lidhje me vendimin gjyqësor të Apelit për ankimimin e Alibeajt dhe nuk do e njohë atë nëse është i ndryshëm nga vullneti i demokratëve.
“Partitë politike janë bashkim vullnetesh të lira njerëzish dhe kanë koperturën juridike që rregullohet nëpërmjet statutit. Anëtarët e Partisë janë ata që vendosin në lidhje me partinë. Nëse vendosin të shpërndahen, shpërndahen dhe janë ata që zgjedhin liderin e strukturat. Nuk kam aspak besim tek gjykata në lidhje me këtë çështje. Një punë e nisur keq vazhdon keq dhe mbaron keq. Mënyra e ankimimit është anti-ligjore dhe një ankimim anti-ligjor do të shqyrtohet në mënyrë të tillë dhe do të përfundojë në mënyrë anti-ligjore. Gjërat e tjera i dimë, edhe mënyrën se si është trysnuar dhe menaxhuar procesi i ankimimit për të të mbajtur partinë pas një status të përcaktuar mirë, sepse kemi para betejat për zgjedhjet lokale” – tha Boçi.
Boçi gjithashtu tha se nëse vendimet i shihen nga ana ligjore, vendimi është kthim shqyrtimi, apeli vendos që të shqyrtohet edhe një herë. Por, sipas tij, është strategjia për ta mbajtur në ngërçe juridike partinë demokratike që zëri i saj të sfumohet dhe që vëmendja e publikut të jetë I përqëndruar në këto gjerat e brendshme.
“Pjesa e shpresës për të vazhduar mirë nuk ekziston. Nëse vendimet i shohim nga ana ligjore, vendimi është kthim shqyrtimi, apeli vendos që të shqyrtohet edhe një herë. Është strategjia për ta mbajtur në ngërçe juridike partinë demokratike që zëri i saj të sfumohet dhe që vëmendja e publikut të jetë I përqëndruar në këto gjerat e brendshme. Jemi në kërkim të bashkimit dhe jo thjesht atij simbolik por te bazës së partisë. Ajo çfarë shkaktoi këtë situatë ishte mungesa e besimit dhe diferenca mes bazës së partisë dhe lidershipit u thellua shumë”, u shpreh Boçi.
Discussion about this post