E ftuar në emisionin “Open”, Grida Duma tha se dorëheqja e Bashës ishte lajm i mirë. Ajo u shpreh se tani mbetet vetëm të zgjidhen platformat për ringritjen e Partisë Demokratike. Sipas saj, shkuarja deri në fund e këtij akti, do shihet në vijimësi kur të bëhen zgjedhjet brenda partisë.
“Dorëheqja e Bashës është lajm i mirë, për t’u përshëndetur. Tani dua të shoh rrugët se si mund të ngremë PD-në në madhësinë që i takon se e kam parë procesin që vjen pas dorëheqjes si të nevojshëm. Ajo që dua të shoh rrugët e zgjidhjes për ta bërë PD-në të madhe sërish. Vërtetësia e këtij akti, shkuarja deri në fund e këtij akti, do shihet në vijimësi kur të bëhen zgjedhjet brenda partisë. Duhet të shohim platformat për ringritjen e partisë. Nuk duam zgjidhje taktike momentale” – tha Duma.
Duma gjithashtu tha se tani mbetet vetëm të zgjidhen platformat për ringritjen e Partisë Demokratike.
“Kam shprehur qëndrimin tim ndaj dy kryetarëve të fundit të PD-së. Nuk është ky momenti. Demokratët po presin platformat e ringritjes. PD e ka kohën shumë të vyer. Një trupë që guidon procesin e zgjedhjeve duhet të merret me këtë proces. Nuk duhet ta ndajmë PD-në në njerëz të Berishës dhe Bashës. Ne e parashikonim dorëheqjen e Bashës. Duhet të marrim vendime me një strukturë në bazë të gjerë. Duhet menduar mirë” tha Duma.
Discussion about this post