PD voton sot kryetarin e ri të degës së Lezhës, 3 kandidatë në garë

Mbi 3500 anëtarë me të drejtë vote do të zgjedhin sot, kryetarin e ri të degës së PD-së, Lezhë. Në garë janë tre kandidatë: Gjin Gjoni, Albert Rrusti dhe Paulin Marku. Zgjedhjet mbahen pas dorëheqjes së ish-kryetarit Arben Ndoj, dy vjet më parë.

“Më datë 6.04.2024 ora 08:00-18:00 pranë Qendrës Kulturore të Fëmijëve Lezhë, do të zhvillohen zgjedhjet për Kryetarin e Partisë Demokratike, Dega Lezhë. 

Kandidatët janë: 1. Albert Gjon Rrusti; 2. Gjin Gjon Gjoni; 3. Paulin Prend Marku”, njofton PD.

“Anëtarët për të votuar duhet të jenë të pajisur me një nga mjetet e mëposhtme të identifikimit: pasaportë, kartë identiteti ose patentë. Anëtarët të cilët nuk kanë emrin në listën e anëtarësisë duhet të paraqesin para komisionit zgjedhor edhe kartën e anëtarësisë krahas dokumentit të identifikimit”, theksohet në njoftimin e Partisë Demokratike, Dega Lezhë.

gijotina.com/