Me ngritjen e departamenteve të Arsimit dhe të Brain Gain e Ekselencës, Partia Demokratike ka zgjedhur drejtuesit e rinj në krye të këtyre institucioneve.
Mësohet se, me shumicën e votave të anëtarëve, Lili Sula u zgjodh drejtuese e Departamentit të Arsimit të Lartë, Shkencës dhe Innovacionit; Andi Mustafaj, Drejtues i Departamentit të Brain Gain dhe Ekselencës – për rrjetin ndërkombëtar; ndërsa Elior Vila, Drejtues i Departamentit të Brain Gain dhe Ekselencës – për rrjetin kombëtar.
Pak ditë më parë në Departamentin e Sigurisë Publike drejtues u zgjodh z. Avenir Peka. Në njoftimin zyrtar, shkruhet se grupit të punës iu bashkuan nëpërmjet platformës online pedagogë nga Universitetet më të mira në Amerikë dhe të rinj ekselentë të shkolluar e punësuar jashtë vendit.
Për herë të parë, Partia Demokratike, fut votimin on-line për zgjedhjen e drejtuesve të departamenteve duke i dhënë mundësinë e votës çdo anëtari departamenti që do të dojë të shprehë me votë zgjedhjen për drejtues departamentesh, pavarësisht ku ata ndodhen.
Discussion about this post