PDIU bashkoi votat me PS-në duke i dhënë dritën jeshile marrëveshjes për emigrantët të nënshkruar mes qeverisë shqiptare dhe asaj italiane.
Deputetja Mesila Doda u shpreh se të gjithë duhet ta mbështesnin këtë marrëveshje pasi Italia është një shtet mik që na është gjendur pranë në momente të vështira.
“Ka patur një votim pro marrëveshjes. Është një vendim i GJK që i hap rrugën. Bëhet fjalë për një shtet mik që i është gjetur pranë Shqipërisë në momente të vështira. Ishim pro marrëveshjes. Bëhet fjalë për një shtet mik, një shtet fqinj, që është në një moment krize. Ne duhet të jemi përkrah tyre. Mos harrojmë se nuk bëhet fjalë të mbështesim individë, si Fredi Beleri, por një vend që mbështet një vend mik. Bëhet fjalë për marrëveshjen me Italinë që do të duhej të mbështetej nga të gjithë”, tha ajo.
E pyetur nëse do të bashkohen me Partinë Socialiste, Doda u përgjigj:
‘Ky është një konkluzion i juaji. Bëhet fjalë për marrëveshjen me Italinë, do duhej të mbështetja nga të gjithë. Ne sa herë kemi pasur nevojë kemi pasur përkrah shtetin italian. Pjesa tjetër janë thjesht konkluzione të juaja’, tha Doda.
Discussion about this post