Parlamenti Evropian ka ndezur dritën jeshile për rezolutën e mazhorancës që kërkon më shumë sanksione kundër Rusisë, përfshirë importet e energjisë. Sipas burimeve, rezoluta u miratua me 513, 19 abstenime dhe 22 kundër. Gjatë votimit, u miratua një amendament i paraqitur nga Ppe, S&D, Renew Europe, Verdi dhe Ecr që bën thirrje për “një embargo totale dhe të menjëhershme ndaj gazit, naftës dhe qymyrit rus” dhe “braktisjen e përdorimit të tubacioneve të gazit Nordstream 1 dhe 2”.
Votimi u përshëndet nga i gjithë Kuvendi dhe u kërkua që ky vendim të vihet sa më parë në praktikë. “Kolegë, ky është një moment i rëndësishëm, qëndrimi ynë është i qartë”, nënvizoi kryetarja e Kuvendit Roberta Metsola
Parlamenti Evropian, në rezolutën e miratuar me shumicë, u kërkon liderëve të BE-së që të përjashtojnë Rusinë nga G20 dhe organizata të tjera shumëpalëshe, si UNHCR (agjencia e OKB-së për refugjatët), Interpol, Organizata Botërore e Tregtisë, Unesco dhe të tjera. Kjo, theksohet, për të dhënë “një sinjal të rëndësishëm se komuniteti ndërkombëtar nuk do të kthehet në punë si zakonisht me shtetin agresor
Discussion about this post