Nga Komisioni Parlamentar i Edukimit, ministrja e Arsimit Evis Kushi e konsideroi të pamjaftueshme rritjen me 15% të pagave të pedagogëve, por tha se qeveria nuk ka mundësi për më tepër.
“Duhet të jemi me këmbë në tokë, nuk është se buxheti i shtetit ka mundësi më shumë dhe ne po ua heqim pedagogëve këtë të drejtë”, tha ajo.
Për arsimin e lartë dhe kërkimin shkencor, Ministrja Kushi njoftoi se për vitin 2023 do të akordohen 12.6 miliardë lekë, gati 1 miliardë lekë më shumë se këtë vit.
Pedagogët i përcollën mesazhin e fundit këtë të martë (1 nentor) qeverisë dhe kryeministri Edi Rama, që të shqyrtojë kërkesat e tyre, në të kundërt nga e mërkura rreth 15 prej tyre, do të nisin ngujimin në grevë urie pa afat.
Por thirrja e tyre ka hasur sërish në kundërshtimin e Ramës, i cili i cilësoi ata si të nxitur nga opozita, njerëz pa fe e pa atdhe që po dëmtojnë vendin.
Discussion about this post