Deputetja e PS, Luljeta Bozo ka komentuar peticionin dhe kërkesat e pedagogëve të universiteteve që janë ngritur në protesta për rritje të pagave dhe fondeve për kërkimin shkencor.
Në një intervistë për Top Channel, deputetja thotë se e mbështet idenë se pedagogët duhet të kenë një trajtim më të mirë ekonomik, por qëndron në të njëjtën linjë me kryeministrin Rama se jo të gjithë pedagogët duhet të paguhen njësoj, por të vlerësohen në bazë të performancës.
Ajo nuk i ka kursyer as këshillat duke iu kërkuar pedagogëve që t’i rrisin rrogën vetes duke bërë projekte, ndonëse harron se është votuar për të marrë vendime për përmirësimin e jetës së qytetarëve dhe jo për të dhënë këshilla.
“Janë disa problem që nuk ka lidhje as e majta as e djathta, arsimi është i të gjithëve. Pedagogu nuk duhet të jetë vetëm mësimdhënies por edhe shkencëtar. Të vrasin mendjen, të ulen e të bëjnë projekte!”, deklaroi Bozo për TCH.
Discussion about this post