Kryeministri Edi Rama po zhvillon ditën e sotme një takim me Universitetet Publike dhe Jopublike për të diskutuar mbi procesin e rankimit të institucioneve të arsimit të lartë. Ky takim, vjen në një moment kur pedagogët janë ngritur në protestë, duke kërkuar rritje pagash dhe kushte me të mira mësimdhënie.
Ditën e djeshme nisi viti i ri akademik, mirëpo për shkak të kërkesave të tyre ende të paplotësuara nga qeveria, pedagogët bojkotuan mësimin. Por mesa duket Rama nuk është i shqetësuar për të rinjtë që po privohen nga dija, pasi sot zgjodhi të takojë rektorët duke vijuar agjendën i pashqetësuar.
“Jemi këtu për të diskutuar për një tematikë që ka të bëjë me rankimin e universiteteve tona dhe një vlerësim të plotë të të gjithë kritereve të ligjshmërisë, kur jemi në një fazë që do ta quaj të ndërmjetme pas reformës së Arsimit të Lartë e fillimit të zbatimit të saj dhe në funksion të thellimit të kësaj reforme në organizimin e mëtejshëm të të gjithë sistemit tonë universitar. Dua të bëj me dije që sikundër e kishim diskutuar me rektorët, në takimin e Pragës të atij që u pagëzua si komuniteti i ri politik europian, unë kam ngritur temën e Universitetit si një temë që duhet konsideruar nga BE dhe për t’u adresuar pa pritur që Shqipëria dhe vendet e Ballkanit të bëhen anëtare të BE. Ne kemi si vende kandidate që negociojmë anëtarësimin tonë një akses të pjesshëm”, tha Rama.
Discussion about this post