Në zemër të qytetit të Ersekës, pedonalja që dikur ishte hapësirë e lirë për qytetarët, sot është bllokuar nga lokalet që kanë shtrirë tavolina, karrige dhe tenda private mbi gjithë sipërfaqen publike. Banorët ankohen se nuk ka mbetur më asnjë vend për të kaluar me fëmijë apo për të pushuar, ndërsa institucionet lokale nuk kanë marrë asnjë masë për të ndaluar këtë zaptim të hapur.
“Pershendetje! Kolonja e kryetarit te bashkisë, Çuçkes. Lokalet kane bllokuar gjithe pedonalen dhe as nuk eshte marre asnje mase. Faleminderit nese postoni”, shkruan qytetari.
Ajo që i ka zemëruar qytetarët edhe më shumë është fakti që kjo ndodh në qytetin që drejtohet nga kryetari i bashkisë, Erion Isai, i njohur gjerësisht me nofkën “Çucka”. Sipas banorëve, askush nuk guxon të prekë lokalet, sepse mbrohen nga lidhje politike dhe toleranca e vetë drejtuesve vendorë. Ata kërkojnë ndërhyrje të menjëhershme për të rikthyer pedonalen në shërbim të qytetarëve dhe jo të bizneseve private.
Discussion about this post