Legjenda e Brazilit, Pele është rikthyer sërish në spital për një trajtim të nevojshëm për tumorin e zorrës së trashë. Tre herë fituesi i Kupës së Botës kreu një ndërhyrje në shtator për të hequr tumorin dhe bëri me dije atëherë se duhej t’i nënshtrohej edhe kimioterapisë.
Gjithashtu spitali i Sao Paolos njoftoi atëherë se ish-futbollisti ishte në një gjendje të qëndrueshme dhe trajtimi i tij do të vazhdonte. Vetë Pele u shpreh muajin e kaluar se ishte mirë dhe po përmirësohej ditë pas dite.
Amigos, faz algum tempo que não falamos disso. Eu quero avisar que estou muito bem. Me sinto cada dia melhor. Acho que nem mesmo a máscara para minha proteção consegue esconder a minha felicidade. Muito obrigado a todos vocês, que me mandam boas energias diariamente. pic.twitter.com/0K0lJkFC1i
— Pelé (@Pele) November 17, 2021
Pele ka marrë trajtim në spital që nga 31 gushti, kur doktorët i konstatuan tumorin gjatë kontrolleve rutinë dhe gjendja e tij shëndetësore ka shqetësuar fansat e futbollit në Brazil e mbarë botën. Ai është futbollisti që ka shënuar më shumë për kombëtaren braziliane, plot 77 gola.
Discussion about this post