Kryetari i Kuvendit, Niko Peleshi, po zhvillon një takim informal me krerët e grupeve parlamentare të opozitës, Gazment Bardhi, Agron Gjekmarkaj si nenkryetar Kuvendi dhe Fatmir Mediun, me synimin për të zgjidhur ngërçin që ka bllokuar funksionimin e komisioneve parlamentare.
Takimi po zhvillohet në ambientet e Kryesisë së Kuvendit dhe fokusi është “zgjidhja e ngërçit politik” që ka përfshirë Parlamentin pas miratimit të rregullores së re.
Në takim mungon kreu i grupit parlamentar të PS-së, Taulant Balla.
Ndërkohë, Partia Demokratike ka dorëzuar sot në Gjykatën Kushtetuese padinë kundër rregullores së re të Kuvendit, por pavarësisht kësaj, burime bëjnë me dije se opozita do të dorëzojë emrat e anëtarëve të saj në komisione.
Emrat janë miratuar sot në mbledhjen e grupit parlamentar të PD-së dhe do të përcillen zyrtarisht së bashku me emrat e kryetarëve dhe nënkryetarëve të zgjedhur më herët nga mazhoranca.
Discussion about this post