Moti i keq është rikthyer sërish në vendin tonë, pasi dita e sotme ka vazhduar me reshje intensive për disa qytete. Për të folur më shumë mbi gjendjen, ministri i Mbrojtjes ka dalë në një deklaratë për mediet, ku paralajmëron që nëse në ditët në vijim do të ketë reshje shiu intensive, Lumi i Vjosës rrezikon të dalë nga shtrati. “Në pjesën juglindore, kemi Vjosën, është lum i egër. Në raste të reshjeve të mëdha rrezikon që të dalë nga shtrati. Kemi nivele me rezervë në kaskadën e Drinit, liqeni i Fierzës ka rezerva mban edhe për disa ditë reshje, nuk do të kemi përmbytje të shtuara. Në pjesën jugperëndimore, në lumin e Vjosës, mund të kemi dalje në rast se do të jetë i lartë intensiteti i reshjeve. Të gjitha strukturat janë në gatishmëri”, tha ai.
Sakaq, Peleshi u shpreh se si pasoj e reshjeve disa zona të Shkodrës rrezikojnë të përmbyten. Forcat e Armatosura janë gjithnjë si vlerë e shtuar dhe forca më e madhe në përballimin e emergjencave. Nuk presim përmbytje të mëdha, por në veri kemi zona depresive si zona e Obotit që me apo shkarkim liqenesh është zona e parë që rrezikon përmbytjen. Do të ketë reshje dëbore”, tha Peleshi. Ndërkohë më herët gjatë ditës së sotme, Instituti i Gjeoshkencës paralajmëroi për reshje intensive, vërshime të lumenjve të vegjël malorë dhe rrëshqitje dherash. Në qarqet Lezhë, Berat, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave.
Discussion about this post