Christian Eriksen rrezikon të mos luajë më në Serie A, nëse ICD që ka vendosur në zemër në operimin e bërë dje do të jetë i përhershëm.
Mjekët kanë menduar se vendosja e defribilatorit të zemrës është zgjidhja më e mirë për danezin, i cili pësoi një arrest kardiak në ndeshjen e së shtunës që Danimarka e humbi me Finlandën në EURO 2020.
Gazzetta dello Sport raporton se në Itali është e ndaluar të luash me një pajisje të tillë në zemër, që prej vitit 2017. Në Itali çdo sport kontakti ndalohet për ata që kanë vendosur ICD. Gjithsesi ka kampionate të tjera që e lejojnë.
Holanda është një prej tyre dhe Ajax ka në ekip mbrojtësin Delay Blind që ka pasur të njëjtin problem si Eriksen. Në Premier League gjithashtu lejohet të luash me ICD në zemër.
Nëse danezi e ka vendosur përkohësisht ICD, atëherë ai ka shanse të luajë në Serie A, gjithmonë pasi të bëjë kontrolle dhe teste shtesë për të marrë “OK”-in nga një komision i posaçëm.
