Ish-zëvendësPresidenti i Shteteve të Bashkuara të Amerikës, Mike Pence në ndalesën e tij të parë në Shqipëri, në kampin “Ashraf3”, në Manzë, ka sulmuar presidentin aktual të SHBA-ve, Joe Biden.
Pence tha se administrata e Joe Biden po punon me Rusinë për programin nuklear të Iranit. Ai tha se Vladimir Putin është përgjegjës për luftën në Ukrainë, ndërsa theksoi se duhet të ndërtojnë një shtet demokratik iranian.
“Nën administratën tonë i thamë Kombeve të Bashkuara që GSPO ishte një gabim shumë i rrezikshëm dhe i shkaktonte botës trazira. I bëmë shumë të qartë se Amerika nuk do të lejonte kurrë Iranin të merrte armë bërthamore. Konfrontuam regjimin e Mullahëve në rajon, e izoluam Iranin si kurrë më parë për të fuqizuar rezistencën e Iranit që të ngrihej dhe kërkonin lirinë edhe më shumë. Presidenti dhe administrata Biden janë duke kërcënuar progresin dhe ecurinë që kemi bërë duke margjinalizuar regjimin autokratik në Iran.
Për të gjithë botën administrata amerikane po punon me kohë të gjata kundër programit që ne kemi bërë duke punuar për të sjellë Iranin në rrugën e programit bërthamor. Në fakt administrata Biden pranoi se nën një marrëveshje të rregulluar nukleare brenda një viti. Kanë hequr sanksionet që ne kishim vendosur ne si administratë lidhur me aktivitetet nukleare të regjimit, për më tepër administrata Biden ka punuar ngushtësisht me Rusinë për marrëveshjen dhe programin nuklear të Iranit. Këto masa dhe veprime janë shumë të rrezikshme. Programi nuklear do të shkaktojë shkatërrim. Marrëveshja e re do ti hapë rrugën bombave nukleare. Marrëveshja do të fuqizojë regjimin e korruptuar të këtyre tiranëve dhe do të torturojë popullin e Iranit dhe ata që kërkojnë të drejta themelore. Ne e thërrasim administratën Biden të mbështesë rastin e lirisë dhe themelimit të një shteti demokratik në Iran. Kërkojmë të tërhiqen nga të gjitha negociatat nukleare me Iranin, të mbështesin dhe të marrin një pozicion ndaj rezistencës iraniane dhe ta bëjnë të ditur se nuk do të lejojmë regjimin e tiranëve për programet bërthamore në Iran dhe nuk do të rinovojmë asnjë marrëveshje të tillë.”, u shpreh Pence.
Discussion about this post