Publikimi dhe diskutimi për propozimin francez në Maqedoninë e Veriut ka shkaktuar debate dhe reagime të shumta në politikën e vendit.
Në një postim në Facebook, kryetari dhe deputeti i së Majtës, Dimitar Apasiev, ka ofenduar drejtpërdrejt presidentin e vendit Stevo Pendarovski, me një fjalë të rëndë.
“Pendarovski, pi.ka ti mater” (Pendarovski të …. nënën!)”, ka shkruar deputeti në profilin e tij në Facebook.
Reagimi i ashpër i Apasievit vjen pas publikimit të propozimit francez, i cili i është ofruar Maqedonisë së Veriut dhe Bullgarisë për heqjen e vetos dhe fillimin e negociatave për integrimin në BE nëse e pranojnë.
Presidenti Pendarovski në Samitin e NATO-s deklaroi se ai e kishte parë propozimin, që ai e quajti të “modifikuar” , ku u shpreh se ishte “shumë më mirë në krahasim me atë të mëparshëm”. Ditën e sotme në orën 19:00 e majta do të marrë pjesë në protestat para qeverisë për mospranimin e propozimit francez.
Discussion about this post