Lulzim Basha, ish-kryetar i PD-së, ka vijuar turin e takimeve në Berat, nga ku ka pranuar se për vite me rradhë ka heshtur duke mos denoncuar korrupsionin e bërë gjatë qeverisjes së PD-së.
Në rolin e një politikani që ka reflektuar apo në rolin e një të “penduari”, Basha ka pohuar se njerëzit nuk më besonin kur unë denoncoja korrupsionin se unë nuk kisha denoncuar korrupsionin e partisë sime, njerëzit që u bënë milionerë me naftën.
“Kur je në një proces reflektimi, njerëzit janë edhe më të sjellshëm, por edhe vetë kupton disa gjëra. Kupton që ndërkohë që ngrinim gishtin dhe denonconim aferat, ata që abuzuan me naftën në zonën e Beratit, nuk kanë dalë para drejtësisë.
Njerëzit nuk më besonin kur unë denoncoja korrupsionin se unë nuk kisha denoncuar korrupsionin e partisë sime, njerëzit që u bënë milionerë me naftën. Pasuruan një grusht njerëzish, drejtësia nuk ka bërë të vetën, por as ne nuk kemi bërë tonën. Dhe këto mu kujtuan sot, kur po vija rrugës për në Berat”, theksoi ai.
Discussion about this post