Dy persona janë vënë në pranga dhe një tjetër është shpallur në kërkim nga policia e Fierit, pasi kanë marrë peng për 2 orë një 25-vjeçar.
Sipas policisë është arrestuar Erjon Agalliu 42 vjeç dhe Arben Bleta 54 vjeç, ndërkohë në kërkim është shpallur 40-vjeçari me iniciale B. A., banues në Fier.
Mësohet se konflikti ka ndodhur për motive, ku sipas burimeve për Gijotina.com personat janë konfliktar për rregullimin e një lavatriçeje.Tekniku kishte rregulluar lavatriçen, por ajo ishte prishur sërish. Pronari i lavatriçes e ka thirrur të mbajë përgjegjësi, por tekniku ka thënë se do shkonte ditë tjetër, kështu i zoti i shtëpisë bashkë me vëllain dhe kunatin e kanë mbajtur dy orë peng.
25-vjeçari ka lajmëruar familjen, të cilët kanë njoftuar policinë dhe kanë shkuar në vendngjarje. Dy prej tre pengmarrësve janë gjetur në shtëpi, ku dhe janë arrestuar, ndërsa i treti është shpallur në kërkim.
Materialet i kaluan Prokurorisë pranë Gjykatës së Shkallës së Parë Fier për veprat penale “Heqja e paligjshme e lirisë” e kryer në bashkëpunim.
