Pak para nisjes së seancës plenare, sindikata e minatorëve proteston para Kuvendit për pensionet e minatorëve.
“BSPSH kërkon statusin për minatorët! Pensione dinjitoze, jo pensione elektorale”, shkruhet në pankartën e mbajtur nga të moshuarit para Kuvendit.
Organizimi nisi fjalime prej pensionistëve dhe përfaqësuesve të sindikatave të cilët bonusin e fundvitit të caktuar nga qeveria Rama e kanë quajtur tallje dhe të pamjaftueshëm, pasi siç edhe ata shprehen, kjo vlerë është vetëm për të shtyrë natën e ndërrimit të viteve.
Protestuesit kërkojnë të rriten me 40% pagat dhe pensionet. Gjithashtu kërkojnë që të mos ketë rritje të pensioneve vetëm kur afrohen zgjedhjet.
Qytetarët kanë bërë me dije se do të fillojnë me mbledhjen e firmave për statusin e minatorit.
“Bonusi është vetëm për natën e vitit të ri, nuk është për 12 muajt e vitit. Për 12 muajt e vitit është vetëm atëherë kur të bëhet rritja reale e pensionit. Pra pensioni real i qytetarëve shqiptar i çdo profesioni i cili është brenda parametrave ligjor për individin që ka paguar kontributet shoqërore, kur të shkojë me marrë pensionin duhet të jetë i barabartë me pagën minimale. Kjo do të thotë 400 mijë lekë. Maqedonia e ka 430 euro, Mali i Zi e ka 450 euro, Kosova e bëri 20% rritjen e pagave dhe pensioneve. Statusi i miratorëve që ka vite se nuk realizohet, u refuzua madje edhe në seancën plenare të së martës me pretekstin se do të bëhet një ligj universal. Nuk duam ne status miratorësh apo pensione elektorale, duam sepse neve na takon”, ishin disa nga kërkesat e protestuesve.
Kujtojmë se tashmë ka nisur shpërndarja e bonusit të fundivitit për pensionistët nga 100 deri 150 euro në varësi të shumës totale të pensionit, e cila është cilësuar si një lëmoshë për pensionistët përpara zgjedhjeve të 2025.
Discussion about this post