Gjykata e Lartë ka vendosur që tani e tutje qytetarë mund të ankimojnë vendimet për pensionet e invaliditetit të përcaktuara nga ISSH. Vendimi është marrë nga Kolegji Administrativ i Gjykatës së Lartë dhe ka të bëjë me një pretendim të Institutit të Sigurimeve Shoqërore, i cili i trajton si të paankimueshme vendimet e Komisionit të Caktimit të Aftësisë për Punë.
Kolegji ka dhënë këtë vendimi mbi rastin e një qytetareje, e cila ka ankimuar vendimin e caktimit të paaftësisë për të punuar nga ana e KMCAP, ndërkohë që ISSH ka pretendon se ai nuk mund të ankimohet në rrugë gjyqësore. Në përfundim Gjykata e Lartë i ka dhënë të drejtë qytetares, duke arsyetuar se ky pretendim i ISSH është i pabazuar në Kushtetutën e Republikës së Shqipërisë, në vendimin e GjEDNJ-së dhe në dispozitat e tjera ligjore që njohin të drejtën e ankimit gjyqësor ndaj këtij akti administrativ, sikurse janë cituar më sipër.
Kolegji vlerëson se me të drejtë gjykatat më të ulëta kanë pranuar se mosmarëveshja i përket juridiksionit gjyqësor, duke përcaktuar se vendimet e KMCAP do mund të ankimohen në rrugë gjyqësore.
Vendimet unifikuese të këtij lloji marrin vlerë të veçantë në shkarkimin e stokut prej mbi 36 mijë dosjesh që dergjen prej vitesh në arkivën e Gjykatës së Lartë. Kjo pasi një pjesë e mirë e rekurseve në këtë Gjykatë kanë karakter administrativ, dhe vendimet unifikuese japin zgjidhje për kategori të tëra njëherësh.
E.H/ gijotina.com/
