“Pensionistët më dërgonin letra”, moderatorja rrëfen propozimet e çuditshme

Moderatorja e njohur shqiptare Valbona Mhilli, ka treguar disa momente të çuditshme që ka hasur gjatë karrierës së saj, si propozimet për martesë që mbërrinin me letra të gjata.

Moderatorja tregon se i ka pritur gjithnjë me humor ngjarje të tilla, duke i klasifikuar si “kërkesa të shumta”. Ajo ka treguar se pensionistët i shkruanin letra ku i kërkonin dorën për djemtë.

“Në një letër që mua më dërgonin dhe unë mezi prisja t’i hapja për t’iu ardhur në ndihmë, më shkruhej ‘nuk ka problem cili është statusi yt, e rëndësishme është që ti të na njohësh ne’”, tregon duke qeshur moderatorja.

Ajo gjithashtu ka folur për programin e parë të saj televiziv si dhe për fushën e politikës e cila e ka ndihmuar shumë për të kuptuar gjërat.