Kryeministri Edi Rama ka dhënë sot një lajmë të mirë për të gjithë ata emigrantë shqiptarë që jetojnë e punojnë në Itali dhe tani janë në prag pensioni.
Edhe pse ende nuk është zyrtarizuar njohja e pensioneve mes Shqipërisë dhe Italisë, Rama ka ndarë hapat e procesir me ndjekësit në rrjetet sociale.
Sipas tij,Shqipëria dhe Italia sapo kanë përfunduar negocimin teknik të marrëveshjes për pensionet.
Nga marrëveshja pritet që të përfitojnë rreth 500 mijë shqiptarë, që kanë jetuar dhe punuar në kohë të ndryshme në të dyja vendet.
“LAJM I MIRË
Shqipëria dhe Italia sapo kanë përfunduar negocimin teknik të marrëveshjes për pensionet.
Pas përfundimit të procesit teknik do të ndiqen procedurat për ratifikimin e kësaj marrëveshje dhe më në fund, pas një përpjekje të gjatë e thuajse të pamundur, rreth 500 mijë shqiptarë pritet të përfitojnë me hyrjen e saj në fuqi”, shkruan ai.
Discussion about this post